Fayçal, contento após a chamada de Marrocos

O deportivista Fayçal Fajr está feliz e eufórico trala primeira convocatória da súa vida com Marrocos.

Fayçal é um home fundamental pra Víctor. Foi titular em tódolas partidas e, após Lux e Sidnei, é o xogador que gozou de máis minutos. Agora tem o premio da seleccióm.

Advertisements

O Deportivo empata co Atlético

 O Dépor empata 1-1 co Atlético de Madrid após regala-lo primeiro tempo e reaccionar no segundo.

Fayçal Fajr tivo a vitoria num remate á cruzeta no minuto 88. Os de Víctor suman 3 empates e 1 derrota nas últimas 4 xornadas.

[Imaxe: RCDC] Lucas Pérez

Ficha técnica:
Deportivo 1:
Lux; Laure (Juanfran, 75’), Lopo, Sidnei, Navarro; Mosquera, Celso Borges; Fede Cartabia, Fayçal Fajr, Jonás Gutiérrez (Luis Alberto, 69) e Lucas Pérez.
Atlético de Madrid 1: Oblak; Juanfran, Giménez, Godín, Luis Filipe; Koke, Gabi, Tiago (Fernando Torres, 81’), Yannick Carrasco (Correa, 61’); Griezmann e Jackson Martínez (Saúl Ñíguez, 72’).
Goles: 0-1: Tiago (minuto 34). 1-1: Lucas Pérez minuto 77).
Árbitro: Pérez Montero (andaluz). Amosou cartóns amarelos ós deportivistas Fayçal Fajr (min. 15) e Fede (min. 90).
Incidencias: partido da 10ª xornada de Liga no estadio de Riazor perante 24.608 espectadores.

Um tempo pra cada equipa, como resume o tópico. Temoroso do potencial do visitante, o Dépor regalou o primeiro tempo ó rival. Cedeu metros e deixoulhe a iniciativa ó Atleti, que marcou o 0-1 e puido fazer polo menos outro nums minutos nos que o Dépor estivo desaparecido. Reaccionaron os de Víctor tralo descanso, sobre todo da mam dun Fede incisivo pola banda dereita. A loita e a calidade de Lucas Pérez rescataron um merecido punto pró Dépor, que a piques estivo de suma-los tres num disparo de Fayçal Fajr á cruzeta. Ó remate, 1-1 e terceiro empate, amais dumha derrota, nas 4 últimas xornadas.

Entrou Albert Lopo no centro da defensa, e sorprendeu Víctor coa estrea de Jonás Gutiérrez na esquerda. O Dépor cedeu a posesión ó rival e tentou buscar com balóms longos a rapidez de Lucas Pérez, mais o dianteiro corunhés estivo moi só en punta, e incluso nalgumha ocasión recriminou a falta de apoio ós seus companheiros. Ese era o plan de Víctor, agardar en campo propio. Os colchoeiros nom renunciaron a pelota mais tardaron en atopar espazos na ordenada defensa deportivista. Amais, o brasileiro Sidnei estivo rápido pra adiantarse num par de pelotas que lhe chegaron a Jackson, e o único disparo do colombiano na primeira media hora saíu moi desviado.

O Dépor nom sufría, mais arriscaba demasiado tan pechado no seu campo, xa que corría o risco de que lhe metesen um gol. Iso foi o que pasou: a falta de 11 minutos pró descanso, Tiago aproveitou um mal despexe da defensa local pra rematar axustado ó pau, imparábel pra Lux. Os de Víctor acusaron o golpe, e o Atlético puido sentenciar antes do descanso num remate coa testa de Godín, que estaba só na área pequena, e foi ó pau e o posterior rexeitamento de Griezmann que disparou ó corpo de Lux.

Tralo paso polos vestiarios, o Dépor saíu ambicioso a polo empate e o Atlético deu varios pasos atrás pra conserva-la renda. Foi protagonista o arxentino Fede Cartabia, moi activo dende a dereita, que probou a Oblak con 2 lançamentos xa antes do minuto 60. Aínda así, o Atleti semellaba cómodo, agardando coma sempre cando ten vantaxe en campo propio. Víctor buscou troca-la dinámica nas bandas con Luis Alberto e Juanfran, mentres que o Cholo Simeone deu descanso a Jackson e Carrasco.

Foi no minuto 77 cando chegou o empate, cando Lucas Pérez aproveitou a relaxacióm de Giménez pra roubarlhe a pelota na área, canear ó meta rival e marcar con sangue frío o empate. Fayçal Fajr estivo a piques de faze-lo segundo cum disparo dende o bordo da área que petou na cruzeta no minuto 88, mais o partido rematou co 1-1 no marcador. O Dépor suma 14 puntos, e a vindeira cita será en Valencia co Levante. Despois, umha semana de descanso antes do derbi.

Lux entra na convocatoria do Deportivo

O Deportivo recibirá o domingo en Riazor o Athletic de Bilbao coa ilusión de continuar na excelente liña amosada ata este intre na liga. O obxectivo é facerse forte na casa. Mañá será amais un día especial, xa que é a xornada das penhas, polo que se vivirá un grande ambiente.

Os deportivistas aínda se adestrarán mañá pra preparar cousas pra este encontro, no que en principio parece que vai poder estar Germán Lux. Todos están pendentes da súa evolución. De feito, por se acaso, Víctor, que deixou fóra a Luisinho, convocou 3 gardametas. O porteiro arxentino amosouse contento coa evolución da súa lesión de abdutor.

Lux xogará o domingo

No Deportivo todo indica que Germán Lux xogará o domingo. El di que está pra xogar. Cando menos esta mañá puidémolo ver traballando en Abegondo. O Poroto non forzou, fixo un traballo específico e despois retirouse. Lux non está ó cen por cento mais Víctor conta con el.

Apuntamentos do Betis – Deportivo

1. Partido máis que correcto do Deportivo no Benito Villamarín. Apagado en ataque na primeira parte, aínda que sobrio en defensa, e máis predisposto a deixar espazo ao talento na segunda. Notáronse as rotacións e a escasa compenetración dos atacantes nos últimos metros, pero sóubose sufrir e conseguíronse tres puntos moi valiosos prós de Víctor neste tramo inicial de Liga. Confianza.

2. Nos últimos anos, nestes partidos tan mestos e tan propensos á loita intensa por cada balón e en cada acción, a moeda non adoitaba caer cara ao lado do Deportivo. Agora o conxunto branquiazul é outro. Sufridor, xeneroso nos esforzos, veterano… o carácter de homes coma Fernando Navarro, Pedro Mosquera ou Fayçal Fajr déronlle outro aire ao Deportivo.

3. Tendo en conta os 3 partidos en 7 días, Víctor decidiu facer un cambio total no ataque pra rotar aos máis habituais. Foron catro, pero moi significativos. Nin Lucas, nin Luís Alberto, nin Juanfran, nin Celso Borges. No seu lugar xogadores que necesitan minutos pra amosar a súa valía: Jonathan Rodríguez, Luisinho, Fede e Juan Domínguez. A xogada saíulle perfecta ao técnico madrileño. O seu equipo conseguiu o triunfo, descansaron os titulares e os seus futbolistas menos habituais tiveron tempo pra rodarse na competición.

4. Entre os novos, o que máis destacou foi Fede. Pra ben ou pra mal, o rosarino dá que falar. Capaz do mellor e do peor, Fede foi o branquiazul máis desequilibrante na primeira parte e rompeu o partido cun zurdazo cando non se chegou ao ecuador do segundo acto. Minutos despois, por falta de concentración, propiciou o gol local. A vitoria resta importancia ao seu erro e ofrece máis valor ao seu golazo.

5. Se de Fede a afección segue querendo ver máis, o que parece dar a sensación de desaproveitar unha oportunidade é Juan Domínguez. O galego acompañou a Pedro Mosquera e a Fayçal Fajr no centro do campo e o seu partido foi especialmente gris. Non destacou nin na distribución e xeración de xogo, que é o que máis se lle pide, nin na desarticulación do xogo rival.

6. O que demostrou en pouco tempo sobre o campo que é un valor moi importante deste Deportivo é Celso Borges. A acción do costarriqueño no 1-2 é dun nivel excelso. Centrocampista con moita chegada a área rival, e dende que aterrou na Coruña, Víctor Sánchez revalorizouse polas súas boas decisións no último cuarto de campo.

7. O mellor do partido, pra ben do Deportivo, foi Alejandro Arribas. E digo pra ben do Deportivo porque o conxunto herculino necesita que o central madrileño dea un paso á fronte e sexa como xefe da defensa deportivista. Tres tempadas de contrato en vigor pra un central de 26 anos con varios cursos de experiencia en Primeira División. Moi importante que se converta nun futbolista capital deste equipo.

Un por un : Betis – Deportivo

Fotógrafo: Manuel Laya

O Deportivo conseguiu antonte no Benito Villamarín a súa segunda vitoria desta tempada -as dúas a domicilio-, após facer un partido diferente ao que fora habitual esta campaña no conxunto branquiazul. O equipo de Víctor, que se moldeou bastante ao longo do encontro, completou unha actuación con menos balón e menos arriscada, na que os 14 xogadores herculinos que saltaron ao céspede do recinto andaluz centraron gran parte dos seus esforzos en ser seguros en defensa pra, posteriormente, aproveitar os momentos de debilidade do Betis. E o plan saíulles á perfección.

Lux: 6. Un erro no xogo de pés nos primeiros minutos estivo a piques de custar o 1-0 de Rubén Castro, pero refíxose e fixo unha actuación seria no resto do partido.

Laure: 6. Impreciso na recta inicial tanto en ataque coma en defensa, pero mellorou co paso dos minutos. Achegou oxíxeno nos últimos minutos incorporándose e dando saída ao equipo.

Arribas: 7. Tamén de menos a máis ata rematar como o defensa máis destacado. Co balón estivo impreciso, pero gañouno todo por arriba e realizou varios cortes de moito mérito cando máis apertaba o Betis.

Sidnei: 6. Foi a súa actuación máis completa do que vai de tempada, lembrando ao futbolista do curso pasado coa súa superioridade física en defensa e sumándose ao ataque dende atrás sempre que lle foi posíbel.

Fernando Navarro: 7. Comezou intervindo moito no plano ofensivo e dobrando a Luisinho con frecuencia, pero axiña se centrou unicamente en secar a Joaquín e conseguiuno. Resarciuse do seu mal partido ante o Sporting.

Juan Domínguez: 6. Estreou titularidade e fixo unha boa actuación, sobre todo en termos defensivos e de dar equilibrio ao equipo no centro do campo. Gañou disputas individuais e xogou fácil. Foi o primeiro cambio do partido pra dar entrada a Borges.

Pedro Mosquera: 6. Unha vez máis foi o temón do equipo e o dominador do centro do campo grazas ao seu bo posicionamento, capacidade de sacrificio e, sobre todo, acerto na distribución. Ademais, chegou á frontal e tentou o disparo afastado en varias ocasións.

Fede: 7. Os seareiros estaba con ganas de velo e deixou detalles interesantes. Sempre pola dereita, arrincou impreciso e algo individualista, pero foise entoando e xa na recta final da primeira parte enviou un balón ao poste. Na segunda, fixo un golazo espectacular dende 30 metros pero sorprendeu cunha mala cesión atrás que rematou no empate. Necesita minutos pra integrarse no xogo e aínda é un xogador en formación, pero amosou que ten calidade pra marcar diferenzas.

Luisinho: 6. Impreciso e apagado con balón, a súa única achega destacada estaba sendo en defensa coas axudas a Fernando Navarro, pero apareceu no momento clave pra facer unha gran galopada e centrar á área na acción do 1-2.

Jonathan Rodríguez: 5. Desasistido e moi só enriba, apenas puido participar e cando o fixo tivo problemas pra baixalas de costas e dar saída aos seus compañeiros. Aínda así, deu mostras das súas intencións cunha xogada individual pola dereita e con outra na que se virou rápido e buscou o tiro. Foi substituído no minuto 64.

Celso Borges: 7. Apenas xogou media hora, pero chegoulle pra ser decisivo cunha faceta que potenciou esta tempada e por agora está a dar moi bos resultados: a súa chegada á área. No 1-2, incorporouse nunha acción similar á do seu gol en Vallecas e cedeuna de marabilla prá chegada de Fayçal Fajr.

Lucas Pérez: 6. Tocou poucos balóns e non tivo opcións claras de marcar, pero transmitiu máis perigo que Jonathan Rodríguez cando a pelota pasou polas súas botas e apertou na presión.

Juanfran: 5. Ingresou só cinco minutos antes do gol da vitoria pra reforzar a dereita. Foi importante na recta final pra aguantar a pelota e deixar que pasase o tempo. Regresaba ao Benito Villamarín, que lle recibiu con moitos asubíos pola súa polémica saída no verán de 2014.

O MELLOR

Fotógrafo: Manuel Laya

Fayçal Fajr: 8. Cada día máis importante, foi o único futbolista de ataque que non rotou e ademais completou os 90 minutos. Os seus toques entre liñas e cambios de orientación son claves en case tódolos ataques do Dépor e ademais arredondou a súa actuación co seu primeiro gol. O seu único lunar estivo no balón parado, que executou peor ca en partidos anteriores.

Saídas do Dépor 2015-2016

ANTES DO 1 DE XULLO

  • Wilk (non renovou)
  • Toché (non renovou)
  • Hélder Postiga (non renovou)
  • Issac Cuenca (non renovou)
  • Borja López (foise após estar cedido)
  • Canella (foise após estar cedido)
  • Ivan Cavaleiro (foise após estar cedido)
  • Hélder Costa (foise após estar cedido)
  • Luis Fariña (foise após estar cedido)
  • José Rodríguez (foise após estar cedido)
  • Salomao (foise após estar cedido)

APÓS O 1 DE XULLO

  • Diego Seoane (rescindiu o contrato)
  • Luis Fernández (cedido Huesca)
  • Pablo Insua (cedido Leganés)